FANI YA UANDISHI WA HABARI IMEVAMIWA, TUSIPOZIBA UFA TUTAJENGA UKUTA

Pichani ni waandishi wa habari kutoka vyombo mbalimbali wakiwa katika maandamano ya amani (Picha na Maktaba).

 ---

Watu wengi kwa sasa wameibuka na kutokea kuipenda fani ya uandishi wa habari bila kujua misingi na miiko ya uandishi wa habari. Tatizo moja ambalo limeonekana ni kubwa sana ni utandawazi ambao umekuwepo na kutokea ibuko la kila kijana kufungua gazeti tando (blog).

Hatukatai kuja kwa magazeti tando ila naomba tujiulize, yanatumika ipasavyo ama ndiyo limekuwa ni wimbi vamizi lenye kutoa ama kusambaza habari hata zile zisizokuwa na vyanzo kamili na visivyojitosheleza.Kwa sasa imezuka tabia ya wanaojiita wamiliki wa magazeti tando,wengi wao kukopi na kupaste vitu wanavyoviokota katika mitandao ya kijamii ikiwemo Twitter, facebook na mingine mingi.

Sina nia ya kumsema mtu bali napenda tuelimishane kama vijana wenzangu,ambao wametokea kuipenda fani ya uandishi wa habari, wakumbuke kuwa fani ya uandishi wa habari ina miiko na maadili yake, mfano. Katika kuandika habari za mazingira, siasa, elimu, uchumi, michezo, burudani ukiangalia habari hizi zote zina misingi na miiko yake. Leo hauwezi kumchukua mwandishi wa habari za michezo ukamwambia aandike habari za uchumi kwa vile hatakuwa na takwimu za uchumi na hata akiandika hiyo habari na kuisoma utakuwa unajiuliza maswali mengi bila kupata majibu.

Vile vile ni vizuri vijana wenzangu kutambua kuwa kila kazi ina mipaka na misingi yake, juzi juzi nilisoma habari katika gazeti tando moja wapo ikisema, 'ALIYEONGOZA MAANDAMANO YA IRINGA MHESHIMIWA MCHUNGAJI MSIGWA ASWEKWA NDANI' nilijiuliza maswali mengi ambayo kiukweli nilikosa majibu yake, kuona huyu aliyeandika hiki kichwa cha habari kweli amepitia fani ya uandishi wa habari ama ndio ule upepo vamizi?

Maana unapoandika habari za mahakamani, polisi kuna misemo yake, hauwezi kumuhukumu mtu moja kwa moja kwa kusema fulani ni mwizi, hata hao polisi ambao huwa wanakwenda kukamata watu eneo la tukio hawawezi kusema fulani ni mwizi mpaka apelekwe mahakamani ndipo sheria ichukue mkondo wake na kumbaini huyo aliyekamatwa ni mwizi.

Naomba tufike mahali tuheshimu utu wa watu na kuepuka udhalilishaji wa bila kujua naamini baadhi ya vijana wengi walioamua kufungua magazeti hayo tando ambayo yanatoa habari, hawana taaluma ya uandishi wa habari.

Napenda kuwapongeza wale walioamua kufungua magazeti tando katika milengo yao tofauti ikiwemo kutoa habari kwa njia ya 'kufundisha masuala ya urembo, mapishi, kuwasaidia kuwatangaza vijana katika muziki na hata wale walioamua kuandika habari zao binafsi.

Nayasema yote hayo kwa vile kumezuka wimbi la vijana wanaotaka kuichafua fani ya uandishi wa habari na ionekane si fani ya watu walioenda shule bali ni ya wahuni tu wasiojua mambo, naomba vijana tuelimike na tujifunze kwa watu wanayoyajua mambo ili tuweze kufika mbele zaidi.

Namalizia kwa kusema tusipoziba ufa tutajenga ukuta.

Asanteni sana kwa kusoma.

Imeandikwa na Cathbert A. Kajuna

www.kajunason.blogspot.com

*YANGA YATIMIZA FURAHA YAKE KWA KUMUUA MNYAMA SIMBA 2-0

 Kipa wa Simba, Juma Kaseja, akitaabika chini baada ya kushindwa kuuokoa mpira wa kichwa uliopigwa na Didier Kavumbagu, katika dakika ya 5 na kuandika bao la kuongoza katika kipindi cha kwanza. Simba nao walipata penati dakika chache baadaye baada ya Canavaro kumuangusha Ngassa katika eneo la hatari na petati ikapigwa na Mussa Mude aliyempelekea kipa katika engo ya kushoto kwake na kuokolewa na kipa huyo.  Kipindi cha pili Hamis Kiia aliiandikia bao la pili timu ya Yanga kwa kuunganisha mpira uliorushwa na Mbuyu Twite. Hadi dakika 90 zinamalizika Yanga 2, Simba 0.

Mshambuliaji wa Yanga, Simon Msuva, akichuana na beki wa Simba, Shomari Kapombe, na mpira huo ulitoka na kuwa kona iliyozaa bao. Sasa mpira ni kipindi cha pili, kaa na ukurasa huu utakaokuletea full matukio ya mechi hii ya Watani wa jadi.

Redd’s Miss Tanzania yashika kasi

Hashim Lundenga.

Na Mwandishi wetu

KINYANG’ANYIRO cha Redd’s Miss Tanzania kinazidi kushika kasi, huku tayari warembo 11 wakiwa wamepatikana kutoka maeneo mbalimbali hapa nchini.

 

Akizungumza na waandishi wa habari jijini Dar es Salaam jana, Mkurugenzi wa Kampuni ya Lino, Hashim Lundenga alisema, wamejivunia kwa kiasi kikubwa kupatikana kwa warembo hao, huku sehemu nyingine nazo zikisaka washindi wao.

 

Lundenga alisema, mpaka sasa vituo 10 kati ya 80 vinavyotakiwa kutoa warembo watakaoendelea katika hatua inayofuata ya Redd’s Miss Tanzania, vimeshapata warembo wao.

 

Alivitaja vituo ambavyo vimepata warembo wao kuwa ni, Dar Indian Ocean, Arusha City Centre, Mbeya City Centre, Ilemela, Nyamagana, Tarime, Serengeti, Mbulu, Hai na Kahama

 

“Huu ni mwaka wa 20 tangu tuanze mashindano yetu, nichukue fursa hii  kuwashukuru wadhamini wetu wote waliojitokeza kudhamini mashindano yetu kuanzia ngazi ya chini kabisa ya vitongoji.

 

“Mwaka huu tutakuwa na mikoa 24 inayofanya mashindano, kanda zipo 11, vyuo vya elimu ya juu vinavyoshiriki ni 17, wilaya 18 na vituo vya Mkoa wa Dar es Salaam 11, vyote kwa pamoja vinafanya idadi ya vituo zaidi ya 80,” alisema Lundenga.

 

Alisema wiki hii kutakuwa na mashindano ya kusaka warembo ndani ya Moshi Mjini, Kibaha, Chuo cha Ustawi wa Jamii, Ubungo na Mzima.

 

“Nawashukuru wazazi na walezi ambao wamewaruhusu watoto wao kushiriki katika sehemu mbalimbali, niwashukuru pia wadhamini mbalimbali waliojitokeza kudhamini mashindano yetu katika ngazi mbalimbali,” alisema Lundenga.

 

Meneja wa kinywaji cha Redd’s Original kinachozalishwa na Kampuni ya Bia Tanzania (TBL), Victoria Kimaro alisema, wamedhamiria kuhakikisha Redd’s Miss Tanzania inakuwa mbali zaidi.

 

“Nawaomba tuendelee kukiunga mkono kinywaji hiki ili nacho kiweze kupata nguvu ya kuwaletea burudani hii ya urembo kwa muda mwingi zaidi,” alisema Victoria.

 

Taji la Redd’s Miss Tanzania kwa sasa linashikiliwa na Brigette Alfred, aliyetokea kitongoji cha Sinza, huku likiwa linadhaminiwa na kinywaji cha Redd’s Original kinachozalishwa na TBL.

MSANII WA LUNINGA 'DIPO' ATAMANI KUWA MATUMLA

Kocha wa mchezo wa masumbwi Klabu ya Amana CCM ,Kondo Nassoro (kushoto) akimwelekeza jinsi ya kutupa makonde, Haruna Mussa 'Dipo', ambaye ni msaniiwa michezo ya kuigiza kwenye Luninga, wakati alipofika katika Kambi hiyo kwa ajili ya kufanya mazoezi ya masumbwi ikiwa nisehemu ya kujiweka sawa katika kutimiza majukumu ya kazi yake.Picha na Super D

PRESIDENT KIKWETE MEETS UN REP FOR DARFUL DR. MOHAMED CHAMBAS

 President Dr.Jakaya Mrisho Kikwete welcomes to the State House Joint Special Representative of the African Union-Unite Nations Hybrid operation in Darfur(UNAMID) and Joint Chief Mediator Dr. Mohamed Ibn Chambas when the later paid a courtesy call on him this morning in Dar es Salaam.

President Dr.Jakaya Mrisho Kikwete in conversation with Joint Special Representative of the African Union-Unite Nations Hybrid operation in Darfur(UNAMID) and Joint Chief Mediator Dr. Mohamed Ibn Chambas when the later paid a courtesy call on him this morning in Dar es Salaam.On the Left is Resident Coordinator of the UN System Alberic Kacou. Photos by Freddy Maro

JAY DEE ATINGA MAHAKAMANI KINONDONI LEO KUFUATILIA KESI YAKE DHIDI YA CLOUDS

MWANAMUZIKI Mahiri wa muziki wa kizazi kipya nchini, Judith Wambura maarufu kama 'Lady Jay Dee'  leo alifika Mahakama ya Wilaya ya Kinondoni jijini Dar es Salaam, kwa ajili ya kuhudhuria katika kesi ya madai iliyofunguliwa dhidi yake katika mahakama hiyo. 

Katika hati hiyo ya madai hayo, mwanamuziki huyo anashitakiwa na viongozi wa Clouds Media Group ambao ni Ruge Mutahaba na Joseph Kusaga. 

Tuhuma za kesi hiyo zinatarajia kusomwa mahakamani hapo na Hakimu, Athuman Nyamrani Mei 27 mwaka huu.

Jaydee aliwasili mahakamani hapo leo asubuhi akiwa ameongozana na mumewe Gadner G. Habash  na kuelekea chumba cha makarani wa mahakama hiyo ambao aliwakabidhi hati ya mashitaka hayo.

*ROVING KATIKA MITAA YA TABATA LEO

 Waendesha baiskeli za miguu mitatu, 'Guta' wakiwa wamejipumzisha pembezoni mwa njia ya Treni, eneo la Tabata Relini leo mchana bila kujali kuwa eneo hilo ni hatari muda wote.

 Vijana wakichimba mtaro katika Mtaa wa Relini Mwananchi kwa ajili ya kupitisha Bomba la maji ili kusambaza maji hayo ya Kisima kilichochimbwa na Serikali, ili kufikisha huduma hiyo ya maji kwa wananchi wa maeneo hayo.

 Mtoto huyu kama alivyonaswa na kamera ya Mafoto, haikuweza kufahamika alikuwa akikusanya nini na kuweka katika fuko hili kubwa ambalo baadaye lilionekana kumuelemea wakati wa kubeba, eneo la pembezoni mwa barabara ya Nelson Mandera.

 Hili ni moja ya jengo la Kighorofa lililopo pembezoni mwa barabara ya Mandera, ambalo siku za nyuma inaonekana ndilo hasa lilikuwa kivutio katika eneo hili... 

 Boda boda nazo siku hizi pamoja na kuogopwa na baadhi ya watu kwa kujihusisha na uharifu, lakini bado zimezidi kuongezeka kila kona ya mitaa ya jijini Dar es Salaam, hapa wakiwa katika kituo cha daladala wakisubiri abiria. 

 Barabara ya Mandera mida ya mchana na jioni kumekuwa na foleni kubwa siku zote kiasi cha kusababisha magari mengine kuvunja sheria za usalama barabarani na kupita katika njia 'Service Road', pichani baada ya Service road kujaa, gari hilo lililokuwa na askari Magereza na raia ambao haikuweza kufahamika kuwa walikuwa ni watuhumiwa ama la, likipita kwa taabu pembeni mwa magari mengine huku likiwa limewasha taa kuashiria dharura, laikini bado magari yalishindwa kulipisha.

Askari wa usalama Barabarani, wakiwakamata madereva wa magari yaliyokuwa yakipita katika Service Road baada ya barabara zote kujaa magari na kuwaandikia kulipa faini.